پرواز سقایی (به زبان لری، لهجه خرمآبادی)
های کجا اِ سَقایی یادِت وِ خِیر با
اِ صدای ماندگارِ قومِ لُر دَنگِت نِمیا
دلِم میحا دِ غمِت اَسِر بَوارِم
بَشینِم سرِ قورِت بونگی وِرارِم
اَر بِحام صفای لُرینِه مثالی مِ بیارم
چی سقایی کم کسی دِ خاطِر دارِم
چی صداش دلِ رضا بی غَش بی و صاف
مهربُون و خوشصفا، زِلال هِه چی طاف
حِیف که نونِسیم چی بیارزش و قدرِش
تا زِنه بی، کم پُرسیییم احوالِ دردش
اَر بُوم صِداش نِمونَه بی دِ ایران
دایَه دایَه شاهدِم، تِفَنگ، بِزِران 1
زِنِهیی و سیت بیارِم، شادُما، میری، آسِمُو 1
قدَم خِیرِن 2 یاد کِردَه، شیرزَنِ دورُو
وقتی مَردِم بین خَوَر دِ مرگ رضا
لُرِسو پُر بی دِ غَم، سِیل کِردی هر جا
خُورمُواَ جَم بین کیُو 3 دِ مینِ مِ ی دو
ساز و دُهِل چَمَری 4 ، کِردِن کارِسُ و
جنازَش مَردِم بُردِن هِه وِ سَ رِ دَس
وا سِلام و صلوات، وا یَک، یِه نفس
هِه که جنازَه رَسِس اولِ دِلفان 5
چَن نفر وا آمبولانس جِلوشو ایسان
جنازَن نیان دِ آمبولانس یِه هو بی خَوَر
مَردِم امّا ناراحت، لَشِن کَشین دَر
تاوْ یتِش دِ سَر بُردِن مَ ردِم سَ رِ دَس
بیشتِر دِ فَرسخ رَتِن، شَکَت نِوی کس
هِه وِ پلِ انقلاب، ژاندارمری، مِ ی دونِ تختی
گَرداو بَردینَه 6 نِ رد کِردِن وا همِه سختی
بعد رَتِن سربالایی راسا مِسگَرو 5
پشت بازار 5، محله رضا، وسطِ مِیدو
جنازَن نیان زِمی، وِ یادِ رضا
صلواتی فِرسَنِن، هِه کِردِن وِ پا
دردِلاکی 5، باجگیرُو 5، خِضِر 7 رد کِردِن
تَق و توق، یه نفس، هیچ کم نکِردِن
جنازَه وِ سَرِ دَس رَسِس صالحین 8
قِطعِه نامآوران نیانِش زِمین
چَن دَسَه ساز و دُهِل، رارا 9 سی رضا
سخنرانی و مَراسم آوْ وِردِن وِ جا
وا گِریوَه، اشک و آه و غصَه و غَم
خاکسپاری تَمُوم بی دِ مینِ ماتَم
حا بَپُرسِم، جمعیت چطور ای کارِ کِردِن
سرِ دَس بیشتِر دِ فرسخ رضانِ وا یک آوْ وِردِن
سی سقایی، ای مَردِم یَه چی بی کِردِن
مَر بُوییم ویر آسِمو بدرِقَش کِردِن
های کجا اي سقایی یادِت وِ خِیر با
اي صدای ماندگارِ قوم لُر، دَنگِت نِمیا
نورالدين باقريطولابی 1389
پينويسها:
1 نام بعضی از ترانههای استاد رضا سقایی
2 شیرزن لر که دوشادوش مردان در مبارزات میان طایفهای و مبارزات ایلی با حکومتهای وقت شرکت میکرد.
3 نام محله و میدانی در خرم آباد
4 موسیقی عزا با ساز و دهل در لرستان
5 نام خیابانی در خرمآباد
6 محلات قدیمی خرمآباد
7 قبرستان قدیمی خرمآباد
8 قبرستان جدید خرمآباد
9 مراسم قدیمی عزاداری در لرستان -
* امروز به اين عشق گردآوري ميكنم و مينويسم كه شايد روزي اين نوشتهها به كار كسي آيند، چنان كه نوشتههاي پيشينیان، شوقي در وجودم فكند و شعلهاي در دلم افروخت....